ដើមត្នោតជាប្រភពនៃវប្បធម៌របស់កម្ពុជា ត្នោតជានិមិត្តសញ្ញាដែលបង្កប់ន័យយ៉ាងជ្រៅទៅក្នុងវប្បធម៌ និងជីវិតប្រចាំថ្ងៃរបស់ប្រជាជន។ ផ្លែ​ត្នោត​ត្រូវ​បានប្រជាជនកម្ពុជា​ប្រើប្រាស់​ក្នុង​មុខម្ហូប​ប្រពៃណី​ខ្មែរ និង​បង្អែម។ ទោះជាយ៉ាងណាក៏ដោយ ផ្លែត្នោតជាផ្លែឈើមានតាមរដូវ ដែលមានផ្លែឈើច្រើនពីខែឧសភាដល់ខែកញ្ញា ភាគច្រើននៃផ្លែត្រូវបានជ្រុះចោល និងមិនត្រូវបានប្រើប្រាស់ឲ្យអស់ពីលទ្ធភាពឡើយ។ ដោយឃើញភាពខ្ជះខ្ជាយវត្ថុធាតុដើមបែបនេះ 3កូអេកូ  បានប្រែក្លាយផ្លែត្នោតស្រស់ទៅជាម្សៅផ្លែត្នោតដែលអាចប្រើបានពេញមួយឆ្នាំ និងដើម្បីកាត់បន្ថយភាពខ្ជះខ្ជាយវត្ថុធាតុដើមដែលមានក្នុងសហគមន៍។

ការផលិតផ្សៅផ្លែត្នោតទុំ

ការប្រមូលផល និងដំណាក់កាលថែរក្សារ៖   ផ្លែត្នោតទុំងាយក្នុងការខូចគុណភាពយ៉ាងឆាប់រហ័សបន្ទាប់ពីជ្រុះ តែក្នុងរយៈពេលប៉ុន្មានម៉ោងប៉ុណ្ណោះ។ ជំហានសំខាន់ដំបូងក្នុងដំណើរការរបស់យើងពាក់ព័ន្ធនឹងការជ្រើសរើសផ្លែត្នោតទុំដោយប្រុងប្រយ័ត្ន។ អ្នកភូមិ និងកសិករក្នុងស្រុក ដែលធ្វើការយ៉ាងជិតស្និទ្ធជាមួយ 3កូអេកូ ជ្រើសរើសផ្លែត្នោតទុំល្អបំផុត ដែលស្រស់ ក្រអូប និងគ្មានសត្វល្អិត។ កិច្ចសហការនេះមិនត្រឹមតែធានានូវផលិតផលដែលមានគុណភាពខ្ពស់ប៉ុណ្ណោះទេ ប៉ុន្តែថែមទាំងផ្តល់ឱ្យកសិករទាំងនេះនូវប្រភពចំណូលបន្ថែម គាំទ្រដល់ជីវភាពរស់នៅរបស់ពួកគាត់លើសពីសកម្មភាពកសិកម្មធម្មតាក្នុងសហគមន៍។ 

ការសម្អាត និងការទុកដាក់៖   នៅពេលប្រមូលផលផ្លែត្នោតទុំបានហើយ ត្រូវបញ្ជូនទៅកាន់កន្លែងផលិតឲ្យបានលឿនរហ័ស បន្ទាប់មកសម្អាតឲ្យបានល្អិតល្អន់ ដើម្បីកម្ចាត់ធូលី និងភាពកខ្វក់។ ដើម្បីរក្សាគុណភាពរបស់វា ផ្លែត្នោតទុំត្រូវរក្សាទុកក្នុងទូទឹកកកដែលមានសីតុណ្ហភាពចន្លោះពី ១២ ទៅ ១៨អង់ស្សា រហូតដល់ពេលកែច្នៃ។ 

ការ​ចម្រាញ់យកសាច់ត្នោត៖   ជំហាន​បន្ទាប់​គឺ​ការ​យក​សំបក​ផ្លែ​ត្នោត​ចេញ​ដើម្បីចាប់ផ្ដើមធ្វើការចំរាញ់យកសាច់ត្នោតទុំ ដែលមានពណ៌លឿងល្អ។ ដើម្បីធានាបាននូវផលិតផលគុណភាពខ្ពស់បំផុត សាច់ត្នោតទុំត្រូវបានច្រោះដើម្បីយកសរសៃ ឬបំណែក កំទីចកំទីដែលមិនចង់បានចេញ ។ 

ការសម្ងួត និងការកិនជាម្សៅ៖  សាច់ត្នោតដែលចម្រោះរួចត្រូវដាក់ក្នុងម៉ាស៊ីនសម្ងួតរយៈពេល 24 ម៉ោងនៅសីតុណ្ហភាពទាប។ ជំហាននេះគឺមានសារៈសំខាន់ព្រោះវារក្សាបានពណ៌ធម្មជាតិ និងរសជាតិនៃផ្លែត្នោត។ បន្ទាប់ពីសម្ងួតអស់ជាតិទឹករួច សាច់ត្នោតស្ងួតត្រូវបានកិនទៅជាម្សៅ។ 

ការវេចខ្ចប់៖ ទីបំផុតម្សៅផ្លែត្នោតទុំត្រូវបានវេចខ្ចប់ក្នុងថង់អាលុយមីញ៉ូម ដែលការពារវាពីសំណើម និងរក្សាភាពស្រស់របស់វា។ ហើយជាលទ្ធផលគឺយើងទទួលបានផលិតផលដែលមានគុណភាពខ្ពស់ដែលអាចប្រើប្រាស់បានយ៉ាងងាយស្រួល និងរកឃើញនៅក្នុងហាង និងផ្សារទំនើបពេញមួយឆ្នាំ។

ផលជះជាវិជ្ជមានលើសហគមន៍មូលដ្ឋាន និងបរិស្ថាន 

ដំណើរការប្រកបដោយភាពច្នៃប្រឌិតនេះដោយ 3កូអេកូ មិនត្រឹមតែដោះស្រាយបញ្ហានៃភាពអាចរកបានតាមរដូវកាលប៉ុណ្ណោះទេ ប៉ុន្តែក៏មានអត្ថប្រយោជន៍សេដ្ឋកិច្ចសង្គម និងបរិស្ថានសំខាន់ៗផងដែរ៖ 

• ការពង្រឹងសេដ្ឋកិច្ច៖ តាមរយៈភាពជាដៃគូជាមួយអ្នកភូមិក្នុងស្រុក និងកសិករសម្រាប់ដំណើរការប្រមូលផល3កូអេកូ ផ្តល់ឱកាសចំណូលបន្ថែម បង្កើនស្ថិរភាពហិរញ្ញវត្ថុដល់ប្រជាសហគមន៍។
• និរន្តរភាពបរិស្ថាន៖ ការបំប្លែងផ្លែត្នោតទុំដែលជ្រុះពាសពេញភូមិទៅជាម្សៅជួយកាត់បន្ថយកាកសំណល់ និងកាត់បន្ថយផលប៉ះពាល់បរិស្ថាន។ ជំនួសឱ្យការ រលួយចោលនិងរួមចំណែកដល់ការកែច្នៃកាកសំណល់ផ្លែឈើត្រូវបានផ្លាស់ប្តូរទៅជាផលិតផលដ៏មានតម្លៃ។
• ការអភិរក្សវប្បធម៌៖ តាមរយៈការធ្វើឱ្យផ្លែត្នោតអាចរកបានពេញមួយឆ្នាំក្នុងទម្រង់ងាយស្រួលជាងមុន 3កូអេកូ បានចូលរួមជួយរក្សានូវទំនៀមទម្លាប់វប្បធម៌ដែលទាក់ទងនឹងការទទួលទានផ្លែត្នោតនៅក្នុងប្រទេសកម្ពុជា។

ការប្តេជ្ញាចិត្តចំពោះគុណភាព

3កូអេកូ ប្តេជ្ញារក្សានូវស្តង់ដារគុណភាពខ្ពស់បំផុតនៅក្នុងផលិតផលរបស់ខ្លួន។ ដោយរួមបញ្ចូលគ្នានូវបច្ចេកទេសបែបប្រពៃណីជាមួយនឹងបច្ចេកវិទ្យាទំនើប យើងធានាថាម្សៅផ្លែត្នោតទុំរបស់យើងរក្សាបាននូវរសជាតិពិត និងអត្ថប្រយោជន៍អាហារូបត្ថម្ភរបស់ផ្លែត្នោតស្រស់។ ការអនុវត្តប្រកបដោយនិរន្តរភាពរបស់យើង និងកិច្ចសហការយ៉ាងជិតស្និទ្ធជាមួយសហគមន៍មូលដ្ឋានបានបញ្ជាក់បន្ថែមពីការយកចិត្តទុកដាក់របស់យើងក្នុងការបង្កើតផលិតផលដែលមិនត្រឹមតែល្អសម្រាប់អតិថិជនរបស់យើងប៉ុណ្ណោះទេ ប៉ុន្តែថែមទាំងមានប្រយោជន៍សម្រាប់សង្គម និងបរិស្ថានផងដែរ។

តាមរយៈការជ្រើសរើសម្សៅផ្លែត្នោតទុំរបស់ 3កូអេកូ អ្នកប្រើប្រាស់មិនគ្រាន់តែទទួលបានផលិតផលដែលមានគុណភាពខ្ពស់នោះទេ ពួកគេក៏កំពុងគាំទ្រសហគមន៍មូលដ្ឋាន អភិរក្សបេតិកភណ្ឌវប្បធម៌ និងរួមចំណែកដល់និរន្តរភាពបរិស្ថាន។